Die bod het gesluit om 11:00 op 21 November 2004. Dankie aan almal wat deelgeneem het!

Koop 'n stuk geskiedenis

Ons Sestigers – André P Brink, Hennie Aucamp, Dolf van Niekerk, Chris Barnard, Abraham H de Vries en Elsa Joubert – is lewende legendes. Die Beweging van Sestig het die Afrikaanse literatuur 'n nuwe era laat betree. Jy kan nou 'n stuk geskiedenis joune maak deur te bie op handgeskrewe tekste, neergepen deur die Sestigers self. Elke skrywer is gevra om op duursame papier uittreksels van sy of haar werk te skrywe – hul geliefkoosde paragrawe. Hierdie werk word dan spesiaal gemonteer, sodat die koper dit kan raam.

Die opbrengs van hierdie veiling vorm deel van 'n LitNet-fondsinsamelingsveldtog - sodat ons 'n nog beter diens aan ons lesers kan bied. Ondersteun LitNet, huldig ons lewende legendes en stuur jou bod nou.

Almal wat 'n bod instuur kom in aanmerking daarvoor om hierdie Montblanc-pen ter waarde van R1 800 te wen. Klik op die prentjie om te sien watter skrywers al hierdie pen gebruik het om hul bydraes mee te skryf.

Die bod het gesluit om 11:00 op 21 November 2004. Dankie aan almal wat deelgeneem het!

Hoe gemaak?

Elke skrywer lewer twee afsonderlike en verskillende tekste. Een teks word individueel opgeveil en jy kan dus daardie teks alleen koop. Niks verhoed jou egter om op al ses individueel te bie nie! Dieselfde skrywer se tweede teks word net as deel van die reeks van ses opgeveil. Hier moet jy dus ses tekste saam koop, en daarmee word jy 'n stel van ses ryker.

Van elke skrywer bestaan daar dus net twee handgeskrewe, oorspronklike tekste, wat jou stukkie geskiedenis des te meer waardevol en uniek sal maak!

Wanneer die veiling afgehandel is, sal 'n baie beperkte aantal afdrukke aan die publiek beskikbaar gestel word. Maar jy kan die eienaar van die outentieke, oorspronklike handskrif word.

Dus:

Stuur jou bod aan ronelterblanche@absamail.co.za

Opsie A: Klik op so 'n blokkie om die stukke in die reeks te besigtig.

Opsie B: Klik op so 'n blokkie om die individuele stukke te besigtig.

E-pos om te bie: Klik op so 'n blokkie om jou bod te stuur.

Die veiling het gesluit om 11:00 op 21 November 2004. Dankie aan almal wat deelgeneem het!

Om te bie, klik op die groen-en-rooi blokkies. Gee jou e-pos-adres, telefoonnommer en posadres, en die bedrag wat jy bereid is om te betaal. Die suksesvolle bieër sal per e-pos ingelig word.

Reëls en voorwaardes:

• Die LitNet-bodmeester se beslissing is finaal. LitNet aanvaar geen verantwoordelikheid vir 'n bod wat LitNet nie bereik nie. Die uitslag sal op LitNet aangekondig word en geen korrespondensie sal daaroor gevoer word nie.
• Die hoogste bod vir ’n spesifieke dag sal die volgende oggend teen 11:00 op LitNet verskyn.
• Die stukke sal in die week wat op 21 November volg, aan die suksesvolle bieër gestuur word.
• Veilinginligting (maw wie almal bie) is vertroulik.