Riekie Human het na skool en universiteit (albei op Stellenbosch) vir ‘n ruk koers gekies na die Engelse platteland. Daarna het drie jaar by ‘n koerant in die Kaap gevolg, toe amper vyf jaar as inhoudsbestuurder op die internet, en uiteindelik het sy by tydskrifte tot rus gekom. Wanneer sy nie kniediep in die produksieproses op pad drukkers toe staan nie, werk sy aan haar leesrekord van agt boeke in een week. Tussenin speel sy in haar kombuis, en kruip weg vir die wêreld op ‘n klein strandjie wat byna niemand anders van weet nie. Daar is ‘n onbekende getal bokse in haar kaste, en hulle is vol papiertjies en boekies met los gedagtes wat eendag wanneer hulle groot is, gedigte wil word.

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.