Geheueverlies II

Riekie Human

Vreemdelingvrou
hou haar hand, draai die sleutel tot klik,
en sien hoe sy die kamers oop probeer kyk

“Dis ‘n mooi ster”

Vraagtekens dans al die pad van die vloere
die meubels die boeke die vensters
tot om haar mondhoeke waar die woorde ontplof:
“Dit was jou favourite gewees”

Sy kon die raas in haar stilte hoor
die irritasie oor vergeet was warm
sy wou so graag, so graag daai ster onthou
net vir die blink in jou oog

Maar eerder drentel sy agterna en neem die toer in:
melk in die yskas, ‘n emmertjie vol vuurhoutjies bo-op
“Vir jou kerse”

In die oggend was daar plat sirkels was
al oor die bad se rand
oor die yskas se deur
onder die sterretjies-magneet

bo-op die inkopielys, onder kerse en melk,
haar naam, soos ‘n stout skoolkind,
vyftig keer uitgeskryf



LitNet: 9 Mei 2006

Het jy hierdie gedig geniet? Lewer kommentaar aan webvoet@litnet.co.za, of stuur jou eie gedigte aan Danie Marais. Klik hier vir PoësieNet-riglyne.

Klik hier en sluit aan by ons nuusbrieflys vir jou weeklikse dosis oemf! Klik hier om die nuutste nuusbrief te sien

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.