Bomslagoffer

George Weideman

Dis nie moeilik om rose te pluk nie
behalwe die rooies.
As jy die geur
wil insnuif, is dit die
reuk van staal wat steur.

Met jou arm in windsels gedraai
kan jy nouliks weer
’n brief oopskeur.
Die aarde het langs jou gedryf,
vingers wat luglangs skryf.

Om te lees verg vaardigheid
maar as dit kom by skryf
moet jy keer op keer
onthou hoe die skarniere
in jou hand verstyf.

Hoe kan jy met koue vingers
die sagtheid van ’n dy verken?
Hoe behendig
jy ook vat, dis om
’n staalveer op te wen.

As jy wil kniel en dalk wil bid,
word dit moeiliker nog
om te vergeet hoe dit was.
Jy hoor eenstrykdeur
die klank van glas.

boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.