Vors van die wrede

Ian Smith

Die dag as die magtige een
waad uit sy toring van ivoor
sal hy hom moet wend
tot sy landery van gryp en moor:

Hand in heup en oor eenrigtingoë
(getint deur backroom boys)
kyk hy na sy handewerk
en die krag van sy toys:

Kleinvolkderms blom vol in die bloed
sonneblomskedels draai na die gloed
van die ou oorlogson
wat skel op hardgebakte oë
nog smekend gewend na bo:

Vinnig sal hy breëbors wil loop
tot by die room van sy oes
die honderde rye aangeplante hande
wuiwend in ’n land, leeg en woes:

Die dag as die magtige een
uitkom om te maai sonder rede
sal hy ploeg en ploert waar hy wil
want só maak hy, vors van die wrede.

boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.