Tussen die twee

Philip Rademeyer

tussen twee riviere
’n land -
’n vrugbare, antieke land -
getreiter deur missiele en bomme

tussen twee torings
’n nasie -
’n treurende, doodvresende nasie -
gereed om met mag weer op te staan

tussen twee veglustige leiers en ’n keffende skoothondjie
aan die koppunt van die wêreldtafel
’n dinkskrum van idees
die kollektiewe bloed van die land in hul are
die bloed van hul manskappe en burgers op hul hande
met propaganda
verklaar elkeen die stryd is reeds gewonne

maar in die hitte van die stryd,
in die ontembare woestyne en vernielde stede,
weet die krygers van al twee kante
dat daar op die ou end van die dag
geen oorwinnaar uit die stryd gaan tree nie.

behalwe riviere van bloed
’n vredelose wêreld
ouerlose kindertjies
kinderlose ouers
siellose soldate
en die dood.

boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.