derms

Johannes Prins

met derms
het ons gekak

(in bruin het ons ver van ons huise
in modder oor mekaar gekruip
totdat die swart in ons koppe
die kleur voor ons oë geword het

met gestrykte nate en blink stewels
het ons gekorrel oor visiere na denkbeeldige
swart diere - ons het die sneller getrek
van die groot wit vinger van god

in gelid het ons gedraf met haat
vir die koue van die dag en staal teen borste -
ons het gesing van die nekke wat ons gaan
wring, die dood wat ons gaan bring

ons sal ontbeer met eer het die man
met die are in sy rooi nek skreeuend gesê -
met eer is ons knieë gebreek en het niere
in die hitte van diskobolos ingegee

sondae kon ons gefilterde briewe
huis toe skryf en ten spyte van blouvitrioel
vroetel met ou scopes wat ons met wit
sterretjies teen die kwaad beskerm het)

in hierdie man
se weermag

boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.