Tee vir twee

Winifred Pretorius

Alles het begin by die vlug van verraad
die dood van die tweeling in ’n gruweldaad
’n Swart kat het oor die stad geloop
mense het vir oulaas brood gekoop

Toe begin die bomme oral val
en geweerskote begin te knal
iewers bly lê ’n baba alleen in sy kot
sê my: is dit die wil van God?

Met ’n kammageweer in die hand
kyk die kind verwonderd hoe Bagdad begin te brand
Die kind se tandemuis is lankal dood
want hy en die swart kat word saam in een huis groot

Iewers verbrand dit wat was tot as
en vertrek ’n verlore siel na êrens sonder tas
Tussen die puin en die pyn
mors iemand vir oulaas sy hemelwyn

Want môre loop grawe hy ’n graf in die sand
van ’n broer wat gesterf het sonder ’n geweer in die hand
Maar vêr anderkant die blou seë
skink Bush vir Blair ’n koppie tee

boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.