Ek salueer jou

TC Nel

Die oorlog is al lank verby
maar die nagmerries sal vir altyd bly!

Hoe sal ek as vrou verstaan,
wat het daar gebeur?
Wat weet ek van grensposte,
R1-gewere en patrollies loop.
Hoe deel ek in jou vrees
Van sê-nou ek gaan dood.
Een oomblik was alles nog stil,
en die volgende oomblik …
was dit hel!

In doodse angs en verwarring
skiet jy net om te verwoes!
Iewers in jou brein onthou jy nog …
Ek het gekom om te veg!
In 'n vreemde land,
vir óns Staatspresident en Suid-Afrika.
En bloedjonk word jy blootgestel
aan haat, geweld en dood.

'n Kwarteeu daarna kyk ons 'n Viëtnam-fliek,
en skielik tref dit my en sê ek sag …
"Dankie dat jy bly leef het,
om vir my 'n man,
en vir jou seun 'n pa te kon wees."
Soldaat … ons salueer jou!
Al voel jy alles was vir niks.
Jy het vir ons gesin,
die Purple Heart verdien!




LitNet: 06 Februarie 2005

Klik hier en sluit aan by ons nuusbrieflys vir jou weeklikse dosis oemf! Klik hier om die nuutste nuusbrief te sien

boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.