Idiome

’n Ou hond, sê hulle, kan nie nuwe trieks geleer word nie. Die tragiese is dat hy ook sy ou trieks begin vergeet.

Mense wat werklik dink, durf wel ingedagte wees. Hul stut ’n samelewing.

“Ek het ’n druk oggend gehad,” sê Luislang vermoeid teenoor sy vrou, “twee bokkies en ’n kinderoppasser.”

Dis tog maar ’n flou verskoning dié, dat ieder voëltjie sing soos hy gebek is. Daar is immers sanglesse en elokusieskoling.

Dit help nie om oor uitgestorte melk te huil nie. Koop liewers vir jou ’n betroubare houer.

Daar is één tegniek wat ’n beroepshoernalis nooit verleer nie, en dis om ’n hou onder die belt te plant.

Wie sy eersgeboortereg vir ’n pot lensiesop verkoop, het nog nooit van haute cuisine gehoor nie.

boontoe / to the top

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.