“wese”

Michael Whiteside

’n sinnebeeld in swart en wit in ’n leë kamer sonder muur, plafonloos en vloervry, ’n verlore skepping van die sinapse iewers in die ewigheid, dwaal in die eter en die beeld is ’n masker op ’n liggaamlose gesig sonder kentekens, ’n masker wat ’n flou, verganklike identiteit gun aan ’n nulligheid vasgevang in die uitbreiding van tyd en ruimte, die masker ’n oomblik van kunsmatige selfskepping in ’n verleë stilte, ’n dooie meedoënlose stom mondeloosheid, die hologram van herkenning ’n duistere verskynsel op ’n vae skerm mikro-oomblikke voor die ineenstorting van die struktuur van die wese, tot in eindelose onvermydelike niksheid, tot in ’n eenmalige en toekomstige en onafweerbare singulariteit wat nie kan duur nie want duur is tydsverbintenis, tydsverbintenis ’n onmoontlikheid in die dood van die tyd self, die dood van die self in tyd, die dood wat die waarheid is onder die klein, klein, paaiende leuentjies

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.