ontsnapping

Michael Whiteside

al draai ek hier of daar
    al spreek ek met die satan self
    se tong, met die brabbelmond
    wat vergete van die reg
verkondig

al skud ek die godkompleks se bodes
    hoeveel keer in hul selfvoldaanheid
    af, al maak ek die deur toe op hul
    glansende vonkelende treurige
omgeegevrete

al maak ek hoe sterk en bevredigend
    water op die godoutomaat se suurgietende
    battery, al wys ek met diagramme en teks
    op die onvoldaanheid van die lastige
dodende mites

kruip daar altyd miersnestevol weg
    agter elke rots, ’n stam van die nee
    van die afkeur en die wegkyk, ’n
    wegkruiperstam van verontwaarding
en verbod

’n gepeupel van die verbod, wat sy lyding
    in die sondebok verwesentlik verkies
    ’n volk binne volkere, ’n stam met
    ’n wemelende legioen gadareense
swynname

want jou verbod word my gebod
en dáár lê die ding
o allah
dáár lê die ding
o jahweh
dáár lê die ding
o brahma
in ons pad na wording

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.