om ’n gewete te hê

Michael Whiteside

gewetens is verdeelbaar
tweevoudig volgens
jou twee hande; een is sinister
een sit stewig, reg en goed
gewetens van die linkerhand
lastig vir die beurs, vrygewig
aan dié van min belang
gewetens van die regterhand
wetend hoe om onderskeid
te tref; beskik nie oor
tydmorsvermoë nie, mors
nie trane nie, daar
is nie genoeg trane vir almal nie
al is daar groter gebak en derhalwe
meer krummels vir die laagstes
dit pla om ’n gewete te hê
dit pla sowaar, maar as plaag
afskryfbaar op belastingsvorms is,
dien dit ’n sekondêre doel
kan dit tot wins gebuig word
beide hande kan lastige gewetens
tot diens van stryde draai
maar linkerhandse gewetens
het nie effektebeurse beskikbaar
as maatstaf en grafiek vir bepaling
van winsgroei, koerse, neigings nie
in die makelary van die fyner gevoelens

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.