Ek dink aan ’n lyf

Francois Weideman

“Forgive me, partisans,
I only sing this for the ones
who do not care who wins the war.”
— Leonard Cohen

sal die nag
eendag haar sterre
op ons uitspoeg
of is dit net etnosentries gedryf
ek dink aan ’n lyf

ek dink hoe dit mag wees
om ’n vrug te eet
onder ’n gedigteboom
in die nasmaak van onvoldoende revolusie

die reus lê snork
sy bek wawyd oop
terwyl scuds oor sy tong skaaf
die sterre en strepe is vol streke
en ek wonder hoe dit is om ’n gedig te eet
onder ’n boom
in die reën of sonskyn
en ek dink aan ’n lyf
wat gedigte in my kop inwals
en verdraai uit liefde
na gedagtes oor groter goeters sonder name

ek dink aan ’n lyf
terwyl ek gedigte eet onder ’n vrugteboom
onder ’n sterrehemel
onder die Hand van God

tel my op my arms is gewillig
sit my neer want ek is ondankbaar

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.