Dorpstraat se pop

Gideon Visagie

Die pop van Dorpstraat
kyk na akkerbome
met eekhorings en duiwe.
Jakarandas het geblom.
In die kombuis word mossels voorberei.
Wyn vloei in New York.
Skadu’s val op my
van herinneringe en mense,
plekke van hartseer en vreugde.
Ek omhels die Statue of Liberty.
Die pop is mooi,
sewe sterre in haar hand
en ’n reënboog bo haar kop.
Sy staan op oseane en riviere
met die maan
teen haar bors vasgedruk.
Die son lag
oor Dorpstraat
en New York.
Swede is ysig koud
en Australië is warm.
Agter memories en gesigte
lag die pop en glimlag.
Die wind waai saggies
deur die akkerboom
en ek drink vars lug.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.