Die dromer vlieg hemel toe

Gideon Visagie

Noudat jy dood is,
Johan Oberholzer,
kan ek ons herinneringe aanteken.
Saam met jou in die motor
voor die begrafnisondernemers
met Wilhelm Knobel se dood.
Andere gaan kyk na sy liggaam —
jy vertel watter wonderlike mens hy was.
Saam het ons na die graf gery;
sy moeë liggaam ter ruste gelê op Versien.
Later het ek en jy
deur die laning dennebome gestap.
Jy het my vertel van die poësie
van Wilhelm en jou eie,
maar ek was nog te jonk om te verstaan.
Jy het vlerke van goud;
vlieg in sekondes na jou nuwe tuiste.
Nou vir ’n oomblik dink ek ver terug —
ek het deur Merrimanlaan gedwaal
erg depressief,
jy het my op straat gekry
en bemoedig.
Jou Barokmusiek was daar
toe ek angsaanvalle gekry het.
Jou vleuelklavier speel nou mooier
as Clayderman en Händel.
Buite reën dit saggies.
My siel juig:
jy’s vry.
Ons sal jou mis.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.