Kobus Victor

Winterblare

Ek wens ek kan verwoord wat diep in my roer;
gedagtes wat soos blare rondwaai;
deurmekaar, warrelend in die rondte draai;
gedagtes wat my bangmaak, vrees aanja,
maar nie kan orden, logies inspan in ’n sin ...
Ek wens ek kan met U daaroor praat;
ek probeer, maar dan bly dit los gedagtes;
onsamehangend, deurmekaar;
die woorde stol in klanke sonder sin:
uitgedroogde winterblare,
windverwaai en deurmekaar.
Ek wens ek kan weer ’n vaste greep
op elke deel van my lewe kry.
Iewers het ek koers verlaat;
my houvas op die pad verloor:
die dollegang kan ek nie stuit.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.