Young Country Bar

Kabous Verwoerd

Dis Young Country.
Daai nuwe kroeg by die stasie
wat bra Koos
se Bar op De Aar
loop toemaak het.
By die oue
skuil deesdae net skaduwees
en drome
van ongeken maar getelde
Afrikaner kids
wat êrens
in donkerste Angola
die kanonne gaan voer het.
Hier in die Young Country
hang blink kinders uit
en hulle drink hulle vinnige drankies
uit slukkie-klein glasies
en ontsnap in die musiek
wat hulle ouers nie geken het nie.
Voordat hulle by die deur uitsukkel
om in die car park te eindig
as net nog ’n kop-gegatte statistiek.
Hier skiem niemand in kleur nie.
Almal het grade in politics
maar hulle skiem dat march
net ’n maand is
en hulle weet nie meer
van die shanties
sonder hitte en water nie,
want dis nie meer hulle skuld nie.
Hulle drink tot hulle dronk is
en vergeet hoe dit was
om nugter bly te wees.
Hierdie crazy regulars
van die Young Country Bar.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.