Geagte God:

Prevot van der Merwe

deesdae, Geagte God
voel ek genoop om te bely
my geloof begin wankel
fondamente versink
vastighede vergly
beelde begin brokkel
voete van klei

want die wêreld raak rof
van geestelike nood en gebrek aan brood
letterlik selfs, mens sukkel en swoeg
met psalmies opstaan, vroeg
en laat gaan slaap
om met moeite ’n bestaan te maak
maar mens kan nie meer nie
jou geld kom nie deur nie

nogtans …
sal ek jubel
kwistig korrels brood op die water smyt
soos die seën van die Seun,
wat weer kom, want

U is

die daag van die môrelig
en Lisa se klavier, wat dans in die nag
bittersoet

wat Gees as asem inblaas
wat lewe aan Adam aanpass
sodat menseharte bruis met Bloed
soos op die fresco
so ook op die aarde

Amen

3/12/02

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.