die currie cup kom weer (maar waar lê die lig)

Adolph van Coller

dit was skaamhaarskemer
toe die vuurtorings
van ons lywe die
currie cup final in
beseringstyd beslis
het en ek (al moet ek
dit nou self sê) gedrop
gescore en geplace
het en jou die doellyn
op die nuweland van
jou lyf gewys
het skaamteloos na
my premature leuens
van voormiddag
straight-faced met
my hand in die skottel
van gewetens toe ek
sou sê hoe ek
nie saam jou wil slaap
nie en hoe ek
nie hou van die kaap
nie wyl jy volgehou het
dat die lig dikwels nie
lê in wat die mense om jou
sê nie maar juis
dalk elders soos in die
eskimokano van jou
vlakwateroë of in my
drome waar bertolt brecht my
pel is en waar
vervelige preke die
hel is en waar die lyn
tussen verlossing en verloëning minder
fel is en die teenwoordigheid van
wyn op weeksaandtafels
niemand bang
maak of sagter laat
praat of die eienaar
van die drankwinkel
op die dorp laat
haat nie

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.