Onder water

Piet van Rooyen

’n skulp het my vandag gegroet
oop en toe oop en toe
my oë onder groen water
vasgesuig aan ’n mosselbank

ek met uitgestrekte voelerstok
met dowwe sig aan ‘t viskos soek
my hare wat in seestrome wieg
my doem-doem hart wat klop

van skielike herkenning die skok
wat wie wa-wa-waar?
dan die skalkse glimlag
nou ja, hoe’s dinge daar?

slympie vleis mosselskulp
seebaardjies op die basis
my kiewe tap al van die lus
ek kwispel reeds van suig en sluk

ewe lekkerbekkig njam-njam-njam
buite is dit hoenderknopvel-koud
’n deiningsee wil my verdrink
aai-aai-aai, veel beter binne

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.