Valmes in die mis

Rean Steenkamp

Die malmok druk
met wye vlerke op die wind.
Sleurloos ry sy op
warm strome, wat haar
hoog bo die eiland bring.
Sy kantel en dan klief sy
met vlerke en haar lyf
’n draaibaan in teen die wind
en daal geruisloos die voglug in,
wat groen berge en komme
in wit toe dek.
’n Wit sweem, een met die mis,
sweef sigloos sekuur,
pylend neer op haar nes.

Rooi spikkels spat op haar sluike lyf,
tol sy flapperende neer.
Met verskeurde vleis en been,
sloeg ’n wit gees
tussen groen varings
op Gough-eiland neer.

More stuur ek,
die radio-operateur,
steeds die seine oor my guillotine,
wat lank en dun
in die grou newels dring.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.