Deinsing

Braam Smit

Op die derde dag
toe ek vir nog ’n sluk my kop oplig
voor die Kalahari se rooiduinrant

sien ek in wit vermoeide vlug ’n albatros
ek vloek hom weg
want hy dra jou doodsberig.

Daar was bokke wat stil teen bome bid.
Ek steier in die woestyn se hand in terug
bokke wat staan aan die skadukant
en die son kerf behendig
waar ek sit in sagte sand,
’n rooflandskap op my gesig.

Hartkamertente wapper weer in ongeloof se puin
die sonstraalskalpels verstéék my weer
doelloos in die dorsland tydelik
poeiersand fyn.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.