Kabelspoor

Braam Smit

Ses kabels sper vanuit my borskas in ’n digte miswolk vas.
Oor ’n vallende krans steier ek teen ses kabels wat bloedrygend
deur my ribbes teen my verlede en my toekoms tas.

Drie gespanne kabels
van hart gees en wil
verdwyn trekkend my verlede in,
in turbulente sielsverkolings en brandwonde
verlore gedagtes en wandade van oorbegin.

Wit kneukel klem ek aan die staalraam
van die sweefspoorstasie vas

want nog drie kabels pluk my in ’n gryswolk toekoms in,
ek wil graag weer hier staan
en sonder miswolke uitkyk oor ’n skoon vallei
in ’n skoondagkeerpunt
hierdie keer
van die self bevry.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.