Damaskus

Braam Smit

Ek smeer geelklei op my gesig
by die eerste reënwaterplas
langs die pad

wolke staan hoog ysblokkig gevries
en ’n lui grys rookkolom
styg agter my
in die blou lug uit.

Toe die middag gis in koringstroop
wou jy my in jou wiegings vang
en nou’s jou laaste soen die wasskil
wat van my lippe val,

agter my
’n rookwolk wat bo die naaste horison hang.

Julle wou mos my vryheid
en duur ontvlugtings strand
nou swaai die telefoondraadskadu’s
langs my weer ritmies
op ’n tipiese snelwegtrant

agter my
lê die hele dorpie Kestell wroegend vanweë jou
iewers hard aan die brand.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.