Nagskrifte

Zuretha Roos

Vissersbote skommel kreeftegang teen swaartekrag
van see en golf na waar die skemer kaaie wag.
En om die baaie flits ’n honderdduisend ligte aan
wat huiwerend hiëroglifies spel
slegs een van die tienmiljoen name van God.

Ebgety word groen deursigtig teen die skemeraand,
glas wat vloei waardeur ’n duisend skilderye roer:
see-anemone, wiere, skulp en perlemoer.
Spoelklippe fluister sissend onder sagte deinings
’n paar van die tienmiljoen name van God.

Oor skemer see en swarter rots gly ry op ry
die meeue weg: vroegaandse gebedekrale
wat skielik swenk en swaai en opwaarts styg
om kalligrafies teen die lug te skryf:
tien van die tienmiljoen name van God.

Uiteindelik word van kim tot kim
die suidelike konstellasies uitgesaai
wat skryf en skryf in skitterkorrels,
skryf hiëraties
tienduisend van die tienmiljoen name van God.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.