kerkorrel

Johannes Prins

vir Mariska

dis november in johannesburg, die strate
het ’n pers tapyt —die lug nog dan en wan ’n byt

op pad werk toe in beyers naude ry jy verby
’n dooie swart hond —’n duif vlieg in jou voorruit vas

plakkate op pale sê kerkorrel is dood,
hy’t homself gehang —’n kleinmond het hom gevang

jy smeek hendrik dat jy nie met koos kombuis
hoef te praat nie —ek het nie raad nie

die stad sing ’n vals noot oor die hart van hillbrow,
die koerante het ’n voorblad in komkommertyd

hy is nie so ’n groot verlies vir die bedryf nie sê een,
’n ander: die ding sny my oop tot op die been

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.