engel

Johannes Prins

wanneer ek dood is soos die klank
                              van jou stem
wat nie in my ore is nie lê ek styf
                                          styf
en dink aan jou wat bad en bid
oor my tong en keelklanke
wat nie genoeg is nie

toe ek ouer was het jy my bors geëet
met kruie en ek joune
                            geëet
ons het woorde in knapsakke
versamel en voëlverse na mekaar
gespuit soos rooiwyn wat werkers
in die wingerd se noenmaal vergesel

nooit het ons vlerke geknip
monde gesnoer nie
die nag was nooit lank genoeg
                        kort genoeg
as jy my keel wou sny met gister
se broodmes sou ek jou botter
aanbied en saamnooi om te (s)lag

wanneer ek dood is soos klippe
                in ’n engel se maag
wat kos moet gee vir vluglose vlerke lê ek styf
                                                          styf
met jou in my onderlyf en water wat kla
oor die wortels van ’n boom wat suig
kabbel verby met voëls wat fluister

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.