gesprek

Johannes Prins

elke oggend moet
met hotel california begin
sê jy en skakel die ketel aan

ek mmm op die toilet en blaai
deur ’n beeld, in die agtergrond
raas die radio die nuus

gaan ons sondag ontbyt eet
vra jy en tap badwater in
terwyl ek stort

ja sê ek en plasse sjampoe
val op die grond van my kop af,
die handdoek ruik na jou

ons moet ook olyfbrood
gaan koop voor die rawe
alles opraap sê jy

o-lyfbrood sal lekker wees
dink ek en soen jou — net ná die groen
knip — totsiens op jou oë

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.