Henning Pieterse (1956)

Impasse

             (assimileer (ww.): verwerk, opneem,
             inneem, gelykmaak, aanpas)

veelal het ek as kind
sukkelend stuk-stuk
aan legkaartbrokkies op ’n tafelblad
gemeet en pas
nooit sou ek ooit vermoed dat
swart en wit metterwoon
in hierdie land van berg en dal
gelyk sou pas

jare terug het ons mekaar
op die haarnaalddraai in die koue bergpas
reeds verleer
nooit kon ons één keer eers
hobbelloos glad inpas bymekaar

vandag voel ek onhartstogtelik:
impotent vir leef
beswerend tel ek reëls
meet klanke greep-greep af
pen my drome
tot swart sandsuikerskadu’s vas
op rimpellose reinwit waterpaspapier
maak my meester van die spel
dat ek totaal kan inpas
as stippel in die poespas
van die groot heelal

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.