Maaglandskap

Hans Pienaar

Skielik, soos die kontoere op 'n kaart:
Die rimpels op jou maag in die trekkings
van jou liefdesmart. Hulle sidder en plat
weer uit onder my handpalm. Windvlae
oor die water. Are sprei soos modderkrake.
Barste in die bakens van jou tepels.
Voorspellings van droogte. Maar die dors
in my vingers word steeds geles in jou oase.
Drome op die punt van my tong dwaal oor plekke
waar nat spore iets beloof van nuwe putte.
As ons dan weer 'n woestyn moet bevaar,
sal my begeertes luier oor jou leegtes, my asem
huiwer tot hul uitbreek in oubekende reën.




LitNet: 28 Junie 2004

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.