Engel in tuin

Hans Pienaar

’n Engel behoort in ’n tuin te gaan woon
eers skoon gewas uit die winkel, arms glad
en blank. Algaande dan, soos na ’n lang bad
verskyn rimpels en groewe, raak ’n toon

afgestomp. Mos sprei oor die borste, sand
klou onder die oksels, ’n hele vlerk breek
los, om oortrek met miere te verbleek
in die son, bevry van skadu’s, ’n pand

vergeefs en hopeloos teen die wrede drif
van groei, die meedoënloosheid van verval,
die melaatse tyd wat selfs die gode aanval
en vreet tot hulle ook in die humus wegskif

en net hul boodskappers agterlaat: ’n engel,
vermink, dog in die liefde van plante verstrengel

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.