Petro Pienaar is 'n 23-jarige prinses woonagtig in Pretoria. Volbloed, bekvol, hartvol, handvol Afrikaans. Sy matrikuleer in 2000 aan die Hoërskool Ermelo in Mpumalanga en probeer bietjie drama studeer by die Universiteit van Pretoria, maar haar tolbos-temperament het haar in die ruk-en-rol-rigting gestuur. Tuis tussen musiek en mense en die vermoë om jou op 'n verhoog makliker te laat hoor as in boeke begin sy en Auriel van Zijl, Sjeanine Steyn en Anika daai Afrikaanse Dames Ruk-en-Rol-orkes Rokkeloos. Hier vind sy 'n spreekbuis vir haar lirieke, wat 'n mengsel is van seer, sensasie, alternatiewe observasies, selfverduideliking, sinisme en 'n klomp ander tong-in-die-kies katte in die donker. Sy skryf al so lank as wat sy kan lees en sy lees alles al lankal.

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.