Van om te staar na een oog

Petri Coetzee

In ’n kroeg op die strand van Bitez
waar toeristelywe
soos ou verf in die son skilfer,
daar sit ek en suig aan ’n goue Tuborg mout.

Die kroegmeisie wil hê ek moet met haar swem,
in bloulug-water wil sy ballerina rondom my
terwyl druppels soos sweet tap
uit die grasgebleikte hare.

En sy praat nie Engels nie
en ek praat nie Turks nie
maar my vriend Firatti praat beide:
soos ’n regisseur verduidelik hy elke toneel.

Sê sy wil hê ek moet met haar kom in ’n dolmus
na waar ’n boot lê buite Bodrum kasteel
wat migreer saans oor die oseaan
en nie terugkeer tót die somer met die son die lug in vaar nie.

Ek lag met my kop agteroor
en sê dankie,
dankie nee,
en Firatti sê iets en hulle lag
en ons klink ons glase soos klokkies:
op ons jeug wat soos groot voëls verby raas
en op die vlerke wat dit ons laat groei.

Op haar bors rondom haar nek,
gespan aan ’n bruin riempie,
knipoog ’n eenoog-Boncuk
so blou soos die water vir my.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.