Die soldaat

Kobus Oosthuizen

Dis beter dat jy nie weet
hoe die sprokies-wag-'n-bietjies
en olienhout van ons kinderliedjies
onheil word in hierdie nag van leed.

Dis reeds kwart voor vier
en dié wat oor is lê nog hier
wakend - ’n wang teen ’n kolf
op soek in die nag na Jakkals en Wolf.

Liefling, jy moet my vergeet
my foto verbrand,
verhuis na ’n ander land
want ek mis jou - of so iets.

Jy weet ek sal net mompel
oor onskuld - reeds ontbind -
wat soos ’n vertraagde kind
nag vir nag deur die doodsakker strompel.

Probeer my vergewe.
Ek het my morsdood bly lewe.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.