Melankolie

Kobus Oosthuizen

Ek soek ’n audience van een
vir my soete melankolie.
Elmi in Darling, my darling Elmi.
Of Mariëtte, my ouer vrou
of Ma, of Pa.
Pa vir wie ek nooit kon sê
“ek is lief vir jou”, soos die Amerikaners doen.

Sonja Heroldt, ek verlang na jou
as die winde van die “has been” om my vou.
Die cameo verskynings,
koelbloedige verdwynings
van die “principles” — die pogings
van die “understudies” laat my koud.

Die tye, die plekke, oomblikke
lê daar anderkant die blou berge,
waar die kranse antwoord gee op my
sawwe droomverlang na bobbejaankrapsels
in die sand op Waterval, waar Oupa
kiertsregop gestap het.

Ek soek my audience van een
vir die Afrika-tragedie wat so heerlik
soos ’n stem ruis vir my geliefde
plek, stuk mens, stuk vrou, stuk bloed.

Melankolie ... ’n wondersoete ding
waarin alles soos Smarties op ’n dashboard
in my siel lê en smelt.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.