Vincent Oliphant

’n foto van twee jongelinge

onskuldelinge
gekoester in die boesem van ’n oomblik
my hart klop teen die holte van jou hand
ons luister
na die ligte suising van die wind
die sagte bruising van die see
ons baai
in ’n simfonie van fluisteringe
net die tyd treur dat hy verby moet gaan

nou lê die eerste grys jare in ons hare
en in ons stiltes weet ons
een van ons sal eendag alleen wees

nou is daar nog die genade
van die kol sonlig wat blom op ons tafel
die koffie wat sweef op jou hand
en my soet soen in die mond
die genade
om alles wat mooi is te sê
totdat ons oë eendag
soos klippe onder troebel water lê
wanneer ons vir die laaste maal saam sien
hoe die son in ’n smal klofie af uurglas
en luister na die tyd
totdat die skadu’s om ons sluit

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.