Nuwe Stemme 3 verskyn later weens rekordgetal inskrywings!

Medewerker

Nuwe Stemme 3, wat vir opkomende digters die geleentheid gee om hul poësie te publiseer, het vanjaar ’n rekordgetal inskrywings van 474 individue ontvang! Volgens Anneke Boshoff van NB-Uitgewers word hulle oorval met navrae van digters en lede van die publiek wat wil hoor hoe die keuring vorder.

Vanweë die groot getal inskrywings is die publikasie van Nuwe Stemme 3 effens uitgestel, om vir die twee keurders (Antjie Krog en Alfred Schaffer) die geleentheid te gee om deur al die gedigte te werk.

Teen einde September sal die keuring voltooi wees, en die deelnemers wie se gedigte gekies is sal kort daarna in kennis gestel word. Daar bestaan ook die moontlikheid van ’n werkswinkel saam met Antjie Krog en Alfred Schaffer. Die boek sal teen einde Maart 2005 gepubliseer word.

Terloops, daar is heelwat voordele vir diegene wat in die Nuwe Stemme-reeks debuteer. Ilse van Staden, wie se gedigte in die Nuwe Stemme-reeks verskyn het, het onlangs die Eugène Marais-prys vir poësie ontvang vir die bundel Watervlerk.



LitNet: 20 Junie 2004

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.