Kaapstad

Hilde Nel

Ek wou
van jou ’n Europese stad maak
met donker gragte en klipstegies wat lok
na pleine vol heimwee
waar stadsduiwe fladderend
eeue lank wei
Ek wou
in jou grou winterluim
drentel deur strate
getooi in ou fasades en broekielace
met die geur van koffie en varsgebak
nog ydel in die lug
Ek wou
’n swaar gordyn trek
oor die sinkplaatdoppies
wat in hul derduisende
oor die Vlakte
nader kruip
Tot ek een oggend
ná croissants en kaas
stil gaan staan
vasgevang deur ’n bondel klam koerant
waaronder ’n gekneusde kind
nog bibberend slaap

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.