Die postmoderne mens

Magmoed Martin

Nou die annerdag toe stroll ek mos
deur die Waterfront
gekleed in ou tekkies en ’n vuil jean
wan ek kô mos toe stryt van my job
innie annerkant van die doks
en ek skrik my toe boeglam
wan die plek het soe develop
complete gefit vir ’n king en queen
en terwyl ek nog soe rondkyk
bespeur ’n anner paar oë my
die security wat my
vir ’n skelm aankyk
en ingedagte stroom ek voort
dis toe ek die mense begin dophou
wan ek realise mos toe
die postmoderne bug
het vir hulle getref
wan met hul selfoon innie hand
en gejak in levi’s en nikes
en designer shirts
het hulle die vertoonvensters reflekteer
en het hulle hul min aan my gesteur
en het dit gelyk asof hulle die wêreld regeer
en terwyl ek nog soe verder stap
sien ek hoe ’n paar arm swart kinders
met hulle tribal dans en music
hierdie postmoderne lot vermaak
en dis toe ek begin realise
dat velkleur en rassisme
vir hulle min pla
en toe besef ek skielik
dit is materialisme
wat hierdie pretensieuse
postmoderne mens deur die lewe dra.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.