Die huis van Pandora

Melinda Maré

Gebeurtenisse het ’n manier om hulself aan te kondig
op ’n dag kruis haar pad met dié van die falsaris
die chiaroscuro met die vreemde inskripsie
edik op salpeter

Per aspera ad astra
onder die valk se oog

Verlos ons van die visbloed en pleetsilwer
die ewige hightea seremonie soos ’n kopverkoue
“nege tiendes water en een tiende melk …”
so glibberig soos ’n paling in ’n emmer snot

Per aspera ad astra
onder die valk se oog

Sy meelopers probeer haar ontstry met karaktersmet
maar sy’t al vantevore die stryd teen struktuurpsigologie
en die sogenaamde noblesse oblige aangebind
weet watter vlees is in die kuip

Per aspera ad astra
onder die valk se oog

Die wêreld gaan verby en sy begeerlikheid
so ook die fluistergalery en fantastery
sy’t ’n graad in grotkunde, laat haar nie voorsê nie
weet wanneer om te kom en wanneer om te gaan

Per aspera ad astra
onder die valk se oog

’n Traan loop oor haar lappopwang
die ashoop dra ’n grandiose kleed
heil die waterdraers en die houtkappers
werk is edel!

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.