Herontplooiing *

Johann Lodewyk Marais

Vir Nic Boersema, Eddie Barendse en Greg Huggins

My kollegas, die antropoloë
met die leerbladsakke, ronde brille
en lange liberale naskoling,
besit hier die morele hoë grond.

Die een sit met sy dagboek voor hom oop,
kyk kil oor sy goueraambril en vra:
“Sal jy wat gedigte skryf die moed hê
om in veraf gebiede te gaan werk?”

Hy stop my ’n damprojek in die hand
en verban my met ’n Avis-motor
na ’n stamowerheidsvergadering
wat eis: “Wat wil julle hierdie keer weet?”

Vroeg die aand paai die maere die kaptein
in die Malelane Hotel met ’n bier.
Ek maak aantekeninge in ’n boek
en word so deel van die groter proses.

By die vergadering onder die boom
kom die Engelsman aangesit, sy vrou
agter ’n sonbril met stywe lippe
oor dié nimmereindigende beraad.

My kollegas, die antropoloë
met die leerbladsakke, ronde brille
en lange liberale naskoling,
versit berge om damme te kan bou.

*Hierdie gedig kom uit ’n digbundel Plaaslike kennis wat gedurende 2003 by Protea Boekhuis verskyn.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.