Johann Lodewyk Marais

Grootmalmok
Diomedea exulans

Die wind bevaar die oop see
gestuur deur die malmok
wat sweef, val, dans, styg,
roerloos in die kwynende lig hang,
aan die golwe se torings raak,
gaan sit in
die oproerige element
se siedende massa
terwyl die sout hom met lourier kroon
en die woedende skuim sis,
skeer oor die golwe
met sy groot simfoniese vlerke,
en los bo die storm ’n boek
wat vir altyd bly vlieg:
die wet van die wind.

(Na Pablo Neruda)

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.