as die liggaam vergeet

Elza Lorenz

winternag sit ek die warmkombers hoog,
want i am the tightrope and the abyss
beweer nietsche, en ek glo dit vannag
— dis die abyss wat so volslae koud is
(winternag)
en volstrek onvergewensgesind;
swaar gaan dit lê in murg en in been:
gekrimp, in die diep donker koue versteen

kon dit maar omwentel na new-age klip
— iets wat glo siek gesond kan maak —
het ek dit lankal verkoop teen ’n wins;
maar siel sluip tog eerder in moerasse rond,
wurm in vogtige tonnels vrugbare grond
as die liggaam vergeet hy slaap
of mymer en prut, mymer en prut
en niks daarvan kan onthou

die abyss bly daagliks afgrondelik daar
— die spankoord verg net die één misstap —
maar daar’s tee en beskuit met hops gemaak
en elk moet self maar potjie bly krap.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.