soveel beter, dan regs in beyers naudé

Elza Lorenz

ook by riviersonderend en overberg
sal die maan vanaand in die onderstebo dam roei
— nou en volgende maand;
wat maak die skerpioensterre nou? terwyl ek
vleg deur konstellasies wat roekeloos draai

ryp soos botter wat smelt, skuur ’n volmaan
wulps teen die kerk se dak
om die toring en alle kerktorings
gul te ontvang terwyl jy nougeset tee skink
op berea se smal balkon

en weldra ry ek huis toe met jacqueline en bruch
of david kramer (ag jirre, hoekom kán dit nie)
wat droefheid altyd ryp kan druk,
dan stadig oor laat loop: soveel beter, dan regs
in beyers naudé (tussen clutch en briek vlieg die lewe op)

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.