bra duskant die see

Carina Laubsher

soos die turbines jou insluk
en uitspoeg
in ’n stad vol parke
bedonnerde mense
in hol moltreine
en ’n fantoom met ’n kompulsie
vir christine
katte wat loslyf dans
vir die maan
en fantine wat haar hare verkoop
voor hulle vra vir haar lyf

lig jy jou kitaar uit die donker kas
en kyk op waar die son gister was
rol jou lirieke en nuwe note
verby die vereelte doc martins
en honger harte vol warm bier
sit maanhare van die savuti leeu
en plat peule van die akasia
op die kroegtoonbank neer

voor die kitaar vir jou die deur oopstoot
na die grondpad verby die windpomp
want in hierdie plek
is jou rekening
reeds betaal

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.