by my ontslaping

Elzabe Kritzinger

wanneer ek eendag sterwe
lę my liggaam in Langstraat neer
nes Sneeuwitjie
in ’n glaskis

met my uitvaart kan jy strakkies pront
’n afskeidswoord in die kafeekombuis rasper
waar die hoogs bejaarde kok
lamsvleis oor ’n spit braai en suinig verdeel
tussen ’n skollie en nege engele

let op hierdie ontslapene se vriendekring
hierbinne
krabbel die priester
twee sirkels en ’n prisma
sodat my sterwensangs spoel
oor hawepolisie in skuilkelders
wat wagstaan
oor voorskoolse kinders
op vuil matrasse

klam my geliefde se skouers met olie
hang ’n opaalblou mantel om sy lyf

in my glaskis roer my afgestorwe vingers
en verdeel ongesiens energie



LitNet: 26 Maart 2004

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.