vir die Pase

Elzabe Kritzinger

julle gee geld vir transport Transkei toe
tot by Tsomo word die mense aangery. Almal
eet skaapvleis. Jul liggame word in die rivier
afgebuig en gewas. By vaaktyd loop slaap julle
binnekant die bus en
julle hou kerk
julle hou kerk
jou pelgrimsreis is pas verby
maar elkeen van jou lofsange
hardloop saam met jou onthou
hier in die purperwit van my kombuis

ek gaan nooit meer kerk toe nie
ek vrees al die mensekerke
wat so blaf en knor en kou en kerwe
aan die lemmetjiesdraad om my siel

my soort waai in any case iedere Paasnaweek
Oudtshoorn toe
vir kultuur
vir tv-sterre
vir rock-sterre
vir seks
vir volstruissteak
vir boerewors rolls
vir guitigheid
vir oordaad
vir dronkverdriet
vir oëverblindery
vir alles behalwe die sewe kruiswoorde
vir vergeet op vergeet op vergeet

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.