ek wil jou omkantel

Elzabe Kritzinger

dis vroeg
ek en my gebeente en twee kapokkies
ry vanaf Chapman’s Chaunce
ons ry vanaf T’Houtbaeitjen
deur aandwydte + tonnels + padversperrings
+ die Hexriviervallei + mans met druiwe
ek soek na jou en die twee M’s
ek slaap soos ’n fortuinsoeker
by broos glasskilders
eet uitheems met souslepels
ek vermom
my verbeelding
in ’n groen kamer
ek drink onstuimig saam met jou
op die dek van die kasteel
waar fakkels brand in die halfdonker
ons praat ou letsels
en ou melodieë

ek wil jou omkantel
ek wil jou oorrompel
ek wil jou saamsleep
na die laaste
luiperd
op Klein Leeukoppie (1937)
wat vandag op ’n somber rots
in die binnehof van die Suidoos
in die see, in die warm see
vasgevang sit in brons

ag kom skrywe hier gedigte
kom soen vroue, kom drink bergtee
kom sing saam met my
Houtbaai se souterige liefdesliedere
vir drenkelinge
soos ek en jy

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.