Jy kom met die sekelmaan

Elzabe Kritzinger

Enchanting Miss Helen
ek sou jou graag wou ken
glas in jou hare, sement op jou lem
die Outsider Art van jou magic Uilhuis
is soos ’n stadige pyn wat klem soos ’n vuis
niemand kon jou ooit verstaan
jy kom met die sekelmaan

Met die see op jou voorstoep
die rivier in jou straat
helende waters en kerse wat waak
in die Nuwe Bethesda was ek net-net te laat
die Uilhuis moet deesdae namens jou praat
Oos waar jou pelgrims staan
kom jy met die sekelmaan

Enchanting Miss Helen
ek droom laasnag van jou
’n lorrie laai jou Uilhuis op
en neem dit na Grabouw
’n dapper vrou soos jy
laat die binnefoto’s van jou hart
deur die smekende hande
van sementvroue praat
wie kan ’n profeet verstaan
jy kom met die sekelmaan.

terug    /     boontoe

© Kopiereg in die ontwerp en inhoud van hierdie webruimte behoort aan LitNet, uitgesluit die kopiereg in bydraes wat berus by die outeurs wat sodanige bydraes verskaf. LitNet streef na die plasing van oorspronklike materiaal en na die oop en onbeperkte uitruil van idees en menings. Die menings van bydraers tot hierdie werftuiste is dus hul eie en weerspieël nie noodwendig die mening van die redaksie en bestuur van LitNet nie. LitNet kan ongelukkig ook nie waarborg dat hierdie diens ononderbroke of foutloos sal wees nie en gebruikers wat steun op inligting wat hier verskaf word, doen dit op hul eie risiko. Media24, M-Web, Ligitprops 3042 BK en die bestuur en redaksie van LitNet aanvaar derhalwe geen aanspreeklikheid vir enige regstreekse of onregstreekse verlies of skade wat uit sodanige bydraes of die verskaffing van hierdie diens spruit nie. LitNet is ’n onafhanklike joernaal op die Internet, en word as gesamentlike onderneming deur Ligitprops 3042 BK en Media24 bedryf.